Kvit dame

 

Nydeleg marsipankake med makronbotn og jordbærsyltetøy.

Lag sukkerbotn som du finn oppskrift på her.

Makronbotn ;

2 eggekviter
50 gr sukker
100 gr sukker
70 gr hasselnøtter
15 gr kveitemjøl

* Pisk eggekvitene stive med 50 gr sukker. Mal hasselnøttene og bland med 100 gr sukker og kveitemjølet. Bland dette forsiktig inn i eggekvitene og ha deigen i ei rund form med bakepapir i botn. Steik kaka på rist midt i ovnen i ca 1 time ved 100 grader. Avkjøl heilt i forma for den tas forsiktig ut av forma.

ca 200 gr jorbærsyltetøy
7 dl kremfløte

Del sukkerbotnen i 3, og legg det nederste laget på eit fat. Smør eit tynt lag syltetøy på, og legg makronbotnen på. Smør eit nytt lag syltetøy på, og dekk med eit lag kremfløte. Legg på det andre laget sukkerbotn og smør på syltetøy og krem oppå der. Legg det siste laget sukkerbotn på og dekk heile kaka med resten av kremen.
Kjevle ut eit marsipanlokk og legg på, og pynt med valnøtter og anna ønska pynt.

Siri

Sunne vårrullar

 For å få vårrullane til å passa inn i bloggen her, så kan eg sei at om dei ikkje er søte, så er dei til mine søte små...
Varianten eg har laga her, er utan kjøt. Men det er ingenting i vegen å berre bruka litt kyllingkjøtdeig saman i grønsakblandinga.

Filodeig kjøpar eg i asiatiske butikkar ; dei ligg i frysedisken. Tin pakken i ein liten time, og lag fyllet medan du ventar. Eg brukar finsnitta kinakål, raspa gulerot, hakka purre, samanpiska egg og krydder etter ønskje, f.eks pepper, salt, kvitlauk, nigellafrø...

 

Rull saman pakkane, og legg dei på steikebrett med bakepapir. Når du er ferdig å 'pakka', pensler du rullane med raps- eller solsikkeolje.
Vårrullane steikes midt i ovnen ved 200 grader i ca ein halv time.
Sursøt chilisaus smakar godt til...

Siri

Nok ei marsipankake

Pynta med marsipanblomar, kandiserte fiolar og kakegèle.

Siri

Harde vafler

Småkaker som var å finna i farmors kakeboksar året rundt. Godt til kaffien, og kos til barna.                                    Oppskrifta kjem her ; 4 egg og 250 gr sukker vispes, 250 gr smelta smør, 250 gr potetmjøl, 1/2 kg kveitemjøl, 1 ss hornsalt, 1 ts natron utrørt i litt vatn.

Til ein konfirmant

Marsipankake pynta til ein trial-køyrande gut.
Kaka er fyllt med banan, heimelaga karamellsaus og fløyte.
Som vanleg dynka eg med sprite, for friskhetens skyld.
'Hjulsporet' er laga av eit firkanta 'stempel' dyppa i kakaopulver.


Siri

Formkake med pecanøtter og lønnesirup

 Dette vart ei saftig og kjempegod formkake, perfekt til kaffikosen!

Her er den servert med jordbær til, men om ein skulle perfeksjonere det ennå meir, så ville eg gjerne hatt ei kule vaniljeis til også...

Oppskrifta er som dette ;

100 gr smør
1 dl brunt sukker
2 egg
2,5 dl kveitemjøl
1 ts bakepulver
1 dl vaniljesaus

75 gr pecanøtter
2 ss lønnesirup

*Grovhakk pecanøttene og hell over lønnesirupen, og la det liggje og trekke medan du lagar røra.

*Rør smør og sukker kremet, og rør inn eitt og eitt egg.
Tilset vaniljesausen, og bland i kveitemjøl og bakepulver.

*Kle ei brødform med bakepapir. Legg ca halvparten av røra oppi forma og strø over noko av pekanøttene. Bre over resten av røra, og strø over resten av nøttene.

Steik kaka nederst i ovnen på 180 grader i ca 1/2 time. Avkjøl og nyyyyt!

Gulrotkake i liten langpanne

Kva med ei saftig og god gulrotkake med mykje krem...?!
I kremen har eg brukt ekte vaniljesukker.

Oppskrifta er som følgende ;

3 dl sukker
2,25 dl matolje, gjerne solsikkeolje
3 egg
3,25 dl kveitemjøl
1,5 ts natron
1,5 ts bakepulver
2 ts kanel
ca 375 gr skrelt og finrevet gulrot

* Visp saman sukker og matolje, og tilset egga. Pisk videre til blandinga vert lys og kremet. Sikt oppi kveitemjøl, natron, bakepulver og kanel, og bland godt. Rør så inn finrevet gulrot.
Hell røra i ei bakepapirkledd, lita langpanne, og steik kaka midt i ovnen ved 175 grader i ca 40 minutt. Avkjøl i forma.

Krem ;

125 gr smør
200 gr philadelfiaost
250 gr melis
1-2 ts vaniljesukker

* Rør smør, melis og vaniljesukker til smørkrem, og rør i osten. Det er lettast å få kremen 'klumpfri' om osten har romtemperatur.
Smør kremen ut over kaka og nyyyyt!!