Liten langpanne?

Når eg brukar oppskrifter til liten langpanne, plar eg bruka ei langpanne på 20 x 30 cm. Men eg har òg ei lita langpanne som er 18 x 35 cm.
Eg har alltid tenkt at lita langpanne er ei form som er halvparten av ei 'vanleg' langpanne...

Brukar eg rund kakeform, er det stort sett ei rund form på 26 cm.

Siri

Blåbærmuffins

Saftige og gode muffins. Denne oppskrifta gjer 10 store muffins eller ca 16 ordinære.
Sett ovnen på 180 grader.
125 gr smelta smør
2 dl sur mjølk, evt mjølk
1 stort egg
*dette blandast
4 dl kveitemjøl
1,5 dl sukker
2 ts bakepulver
skall av 1/2 sitron
*bland det tørre og ha det så oppi væsken
Rør tilslutt oppi 2 dl blåbær
Steik muffinsane i ca 15 minutt

Havresuppe

 

Denne suppa fekk me servert på barselavdelinga då eg fekk mine eldste gutar, og det er nok mange som har eit eller anna forhold til denne suppa.

Eg fekk lyst å koka havresuppe etter å ha funne boka ; MATLÆRE – kokebok for barne- og framhalsskolen (frå 1956) på Fretex.

 

Havregrynssuppe;

1-1,5 dl havregryn (lettkokte)

1 l vatn

3/4 dl søt saft

sukker etter smak

*Kok vatn og havregryn i ca 10 minutt. Ha saften i suppa når gryna er møre, og suppa er jevn. Ha i sukker.

Skumkake…

 

 

…eller som me sa då me var barn - ‘Dinsekake’

Dette var høgdepunktet i mange barneselskap, og etter mange år i gløymeboka her i huset, så fortjener kaka ein ‘ny vår’.

Du treng;

4 eggekviter

3,5 dl sukker

1 ts vaniljesukker

6 plater gelatin

1 dl kokande vatn

evt. litt matfarge

Glasur;

sjokoladekrem + kokosmasse

 

*Legg gelatinen i kaldt vatn i ca 5 minutt. Pisk eggekvitene stive, og bland i sukker og vaniljesukker, litt om gongen. Smelt gelatinen i det kokande vatnet. Rør den ut i eggekvitene, og visp massen i ca 5 minutt. Ha eventuelt i matfarge etter ynskje. Her har eg i litt grøn konditorfarge.

Dryss kokosmasse i botnen av ei rund kakeform og ha massen i. Sett kaka kjølig og la stivne. Tøm glasuren over kaka – eg har berre brukt sjokoladesaus her, men bruk gjerne smelta sjokolade.

Kalori-Hurra-Kake

Ja, det er denne kakas namn!
Mektig og saftig, mest som ei konfektkake.
Du treng;
400 gr smør
4,5 dl vatn
7 strøkne ss kakao
*alt dette kokes opp
*bland alt dette;
9 dl sukker
9 dl kveitemjøl
2 ts natron
1 ts salt
4 egg
3 dl rømme
*Rør så det tørre og det bløte saman til ei jamn røre. Hell røra i ei langpanne kledd med bakepapir. Steik kaka ved 200 grader i 30-40 minutt.


Glasuren lages mot slutten av steiketida.
Glasur;
100 gr smør
6 ss mjølk
4 ss kakao
2 ts vaniljesukker
350 gr melis
*Smelt smøret og ha oppi resten.
Straks kaka er ferdigsteikt, prikk kaka tett med gaffel, og hell kremen over kaka medan alt ennå er varmt.
Denne kaka egner seg kjempegodt til frysing.

Laurdagsboller

Desse bollene er aller best same dagen dei er bakt. Og har du eit par ungar i huset, så forsvinn dei rimeleg fort òg..
Det er lite sukker i oppskrifta, og bollene er godt egna til påsmurt.
Mor mi bakte desse bollene ofte då eg var liten, og eg tok med meg oppskrifta då eg flytta heimanfrå.
Til ca 16 boller treng du ;
120 gr smør
1/2 l mjølk
1/2 pk gjær
4ss sukker
1 ts salt
1-2 ts kardemomme
1 egg
800 gr kveitemjøl
*Smelt smøret, tilset mjølka og lunka blandinga, og rør ut gjæren.
*Bland resten, og hell mjølkeblandinga i, og kna. Hev deigen til dobbel størrelse.
*Bak ut ca 16 boller og etterhev ca 30 minutt.
*Steikes ved 250 grader i 12 minutt. Har du varmluft så senker du varmen til rundt 225 grader, og steiker i 10-12 minutt. For å få bollene blanke, penslar du med eit samanpiska egg før du set dei i steikeovnen.

Sjokoladelangpannekake

 

Dette er oppskrifta på den fyrste sjokoladekaka eg bakte. Enkel og god, og alltid ein vinnar hjå barna.

Til ei lita langpanne treng du;

2 egg

3 dl sukker

ca 4,5 dl kveitemjøl

2,5 ts bakepulver

2 ts vaniljesukker

1 ss kakao

1,5 dl mjølk

150 gr smelta smør, som avkjøles saman med mjølka

*Pisk egg og sukker godt. Bland alt det tørre. Rør det tørre og mjølkeblanding annankvar gong saman med egg/sukker, til ei jamn røre. Hell røra i ei bakepapirkledd, lita langpanne. Steikes i midterste rille ved 220 grader i ca 20 minutt.

Glasur

3,5 dl melis

4 ss smelta smør

4 ss sterk kaffi

1 ss kakao

2 ts vaniljesukker

Pynt ; kokos eller kakestrøssel